Էջ մը հայ երաժշտութենէն`

հայ Արուեստագէտները հին տոմարով տարեմուտը տօնեցին ՀՀ նախագահ Ս. Սարգսեանի հետ ։



ՀՀ մշակոյթի նախարարութեան նախաձեռնութեամբ, հին տոմարով նոր տարին դիմաւորելու նպատակով Կոմիտասի անուան կամերային երաշտութեան տան մէջ հաւաքուեցան աւելի քան 250 արուեստագէտներ եւ վերակառուցուած-վերաբացուած դահլիճին մէջ հիւրընկալեցին ՀՀ նախագահ Սերժ Սարգսեանը եւ իր կողակիցը։ Այս առթիւ հայրենի նախագահը եւ մտաւորականները ունկնդրեցին նորաստեղծ մանկական կամերային նուագախումբի համերգը։ ՀՀ մշակոյթի նախարար Յասմիկ Պօղոսեան ըսաւ. ՜՜Բացառիկ ստեղծագործական այս խումբը՝ Սերկէյ Սմբատեանի ղեկավարութեամբ, ստեղծուեցաւ Նոյեմբեր 20-ին՝ երեխաներու իրաւունքներու պաշտպանութեան միջազգային համաձայնագրի հռչակման օրը եւ կը հովանաւորուի Եունիսէֆ-ի կողմէ։ Մանկական նուագախումբի ամենակրտսեր երաժիշտը 8 տարեկան է, իսկ առաջին ջութակահարը՝ 11-ամեայ աղջնակ է։ Նուագախումբին մէջ ընդգրկուած են մանուկներ նաեւ մարզերէն, երեխաները այստեղ, աշխատավարձ ստանալով, հնարաւորութիւն ունին զարգացնելու իրենց տաղանդը եւ ապահովելու հետագայ ասպարէզը։ Կամերային տան դահլիճը վերակառուցուեցաւ պետական պիւտճէի միջոցներով՝՝։ Նախարարը նշեց, որ անիկա ձայնաբանական դրութեան խնդիր ունէր, նաեւ ջեռուցման խնդիր որոնք լուծուած են։ Ասիկա առաջին համերգն է որ տեղի ունցեաւ։

Ելոյթ ունեցան նաեւ երեխաներ, որոնք նախորդ տարի մեծ յաջողութիւններ ունեցած էին միջազգային տարբեր բեմահարթակներուն մէջ, ինչպէս՝ մանկական Եւրատեսիլի մէջ գերազանց հանդէս եկած Արեւիկ համոյթը։ ՜՜Այսօր բեմում այն երեխաներն են, որոնցով մենք հպարտանում ենք ու նրանց մեջ տեսնում ենք մեր վաղուայ օրը։ Այսօր հին տոմարով նոր տարի ենք դիմաւորում եւ, բնականաբար, այս օրը, ըսաւ Յասմիկ Պօղոսեան, ցանկանում ենք դիմաւորել նոր սպասումներով եւ լաւ տրամադրութեամբ, որը մեզ համար առաջին հերթին մեր տաղանդաւոր երեխաներն են ապահովում՝՝ ։

Նախարարը նշեց, նաեւ որ մտաւորականները միշտ հնարաւորութիւն ունին նախագահի առյեւ իրենց խնդիրները բարձրացնելու եւ այսօր անմիջական շփման մէջ կարելի է շօշափել բոլոր նիւթերը։

Արուեստի գործիչները համերգէն ետք զրուցեցին նախագահ Ս. Սարգսեանի հետ։